پشاور (آئی این پی) پاکستان کرکٹ ٹیم کے سابق کپتان اور معروف بلے باز بوم بوم آفریدی کی پشاور آمد، قصہ خوانی کا دورہ، مداحوں نے گھیر لیا، شاہد آفریدی گاڑی سے نہ نکل سکے۔تدصیلات کے مطابق قومی کرکٹ ٹیم کے سابق کپتان شاہد آفریدی ایک نجی کمپنی کے ساتھ اشتہار کی ریکارڈنگ کے سلسلے میں پشاور پہنچے،
ریکارڈنگ کے لئے وہ پشاور کے قدیم اور تاریخی بازار قصہ خوانی پہنچے تو مداحوں کو بھنک پڑ گئی، پھر کیا تھا چند ہی لمحوں میں عوام کا ایک سمندر ان کی گاڑی کے گرد جمع ہو گیا جس کے بعد انہیں ریکارڈنگ کیے بغیر ہی وہاں سے واپس جانا پڑا۔ گزشتہ روز گورنر خیبر پختونخوا کے ظہرانے میں بھی وہ موجود نہیں تھے۔
