لاہور (این این آئی)کوئٹہ گلیڈی ایٹرز سے فائنل سے پہلے پشاورزلمی کوبڑادھچکا ٗزخمی ہونے کے باعث شاہد آفریدی فائنل سے باہر ہو گئے ٗشاہد آفریدی نے وڈیو پیغام میں شائقین سے معذرت کرلی۔دبئی میں پی ایس ایل ٹو کے پشاور زلمی اور کراچی کنگز کے درمیان فیصلہ کن میچ میں کیرین پولارڈ کا کیچ پکڑتے ہوئے زخمی ہونے والے شاہد خان آفریدی کا کہنا ہے کہ وہ پی ایس ایل کا فائنل نہیں کھیل پائیں گے۔ایک وڈیو پیغام میں بوم

بوم آفریدی کا کہنا تھا کہ ڈاکٹروں نے مجھے10روزآرام کاکہاہے،میری خواہش تھی کہ فائنل کھیلوں،پرنہیں کھیل پائوں گا۔انہوں نے کہا کہ میرے لیے پی ایس ایل بہت بڑا چیلنج تھا ٗ امید ہے میری پرفارمنس سے شائقین نے انجوائے کیا ہوگا۔شاہد آفریدی کہا کہ اس بار کا پی ایس ایل گزشتہ سے بہت بہتر تھا۔واضح رہے کہ شاہد آفریدی کو زخمی ہونے کے فوری طورپر ہسپتال لیجایاگیا تھا اور ان کو ،12ٹانکے آئے ہیں۔