دبئی(مانیٹرنگ ڈیسک) حکومت کی طرف سے پی ایس ایل کا فائنل لاہور میں منعقدکرانے کے حتمی اعلان کے ساتھ ہی دبئی میں موجود غیرملکی کھلاڑیوں نے تحفظات کا اظہار کر دیا ہے۔ ایک نجی ٹی وی کے مطابق ان غیرملکی کھلاڑیوں کی اکثریت نے لاہور جانے اورقذافی سٹیڈیم میں فائنل کھیلنے کے بارے میں کوئی بھی فیصلہ اپنی فیملی کی اجازت سے مشروط کر دیا ہے جبکہ دبئی میں موجود پاکستان سپر لیگ کی ٹیموں کے
پاکستانی کھلاڑی آور آفیشلز اس بات پر خوش ہیں کہ پاکستان سپر لیگ کا فائنل لاہور میں ہوگا۔دوسری طرف اسلام آبادیونائٹیڈکے برطانوی کھلاڑی بین ڈوٹ انگلینڈلائنزکی نمائندگی کرنے کےلئے واپس وطن چلے گئے ہیں اوران کی جگہ ویسٹ انڈیز کے کھلاڑی نیکولسن پورن کو شامل کیاگیاہے ۔پی ایس ایل کے چیرمین نجم سیٹھی غیرملکی کھلاڑیوں سے ملاقات کےلئے کل دبئی روانہ ہونگے ۔
