دبئی (آئی این پی ) شرجیل خان اور خالد لطیف کے ساتھ تصویر میں موجود مشکوک شخص نے خود کو تحقیقات کے لیے پیش کر دیا۔ یو اے ای میں مقیم ثنااللہ بلوچ کہتے ہیں کہ کبھی جوا نہیں کھیلا ، کئی کرکٹرز کے ساتھ دوستی ہے۔ پی ایس ایل کرپشن سکینڈل میں مشکوک شخص کو سامنے آگیا ، فکسنگ ڈرامے کے نامعلوم کردار کو ڈھونڈ نکالا۔ ثناء اللہ کا تعلق ڈیرہ غازی خان سے ہے
جو دبئی کی معروف کاروباری شخصیت ہیں۔ ویڈیو پیغام میں ثنا اللہ کا کہنا تھا کہ شرجیل خان اور خالد لطیف کیساتھ کھانا کھایا ، کوئی گڑبڑ نہیں کی ، پی سی بی کی تحقیقات میں مدد کریں گے۔ ثنا اللہ کا کہنا تھا کہ کھلاڑیوں سے دوستی کرنا کوئی جرم نہیں ، صرف پاکستانی ہی نہیں دوسرے ممالک کے کھلاڑیوں کیساتھ بھی تصاویر ہیں۔
