اسلام آباد (نیوز ڈیسک) ملک میں سونے کی قیمت میں ایک بار پھر اضافہ ہوگیا، جس کے بعد فی تولہ سونا مزید مہنگا ہو گیا۔

آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق سونے کی فی تولہ قیمت میں 2 ہزار 400 روپے کا اضافہ ہوا، جس کے بعد نئی قیمت 4 لاکھ 59 ہزار 736 روپے تک پہنچ گئی۔ دس گرام سونے کی قیمت میں بھی اضافہ ریکارڈ کیا گیا۔ رپورٹ کے مطابق 10 گرام سونا 1 ہزار 205 روپے اضافے کے بعد 3 لاکھ 94 ہزار 149 روپے کا ہوگیا۔

دوسری جانب عالمی مارکیٹ میں بھی سونے کی قیمت بڑھ گئی۔ عالمی سطح پر سونے کا بھاؤ 24 ڈالر اضافے کے بعد 4 ہزار 373 ڈالر فی اونس ریکارڈ کیا گیا۔

ماہرین کے مطابق عالمی مارکیٹ میں قیمتوں میں ہونے والی تبدیلیوں کا براہِ راست اثر مقامی صرافہ بازار پر بھی پڑتا ہ