لاہور( این این آئی)کرکٹر ناصر جمشید کی اہلیہ نے اپنے شوہر کے پاکستان سپر لیگ میں سامنے آنے والے سپاٹ فکسنگ سکینڈل میں ملوث ہونے کی خبروں کی تردید کر دی ۔ سماجی رابطے کی ویب سائٹ ٹوئٹر پر اپنے پیغام میں ڈاکٹر سمارا افضل کا کہنا تھاکہ میڈیا پر ان کے شوہر کے حوالے سے چلنے والی خبریں بے بنیاد ہیں۔ ناصر پاکستان سپر لیگ کا حصہ نہیں ہیں
اور اس وقت انگلینڈ میں کلب کے ساتھ ٹریننگ کے ساتھ ساتھ جنوری سے کوچنگ کورس کر رہے ہیں ۔ ایک آدھ کھلاڑی کے علاوہ وہ کسی بھی کھلاری سے شاذو ناذر ہی ملتے ہیں اورہم ان کے بارے میں چلنے والی خبریں سن کر پریشان ہیں ۔ ڈاکٹر سمارا کا مزید کہنا تھاکہ ان کے شوہر کے خلاف جھوٹی اور بے بنیاد خبریں چلانے والے چینل کے خلاف قانونی کارروائی کی جائے گی ۔
