دبئی (این این آئی)شرجیل احمد نے سپاٹ فکسنگ سے ایک دن قبل کیا کام کیا تھا ، رمیز راجہ اندر کی کہانی کھول دی ، سابق کپتان رمیز راجہ نے کہا ہے کہ شرجیل خان کا ایک دن پہلے لیسٹر شائر کے ساتھ 70 ہزار پائونڈ کا کنٹریکٹ ہوا ہے اور یہ چند لاکھ روپے پر گر گئے ہیں۔نجی ٹی وی کے مطابق رمیز راجہ نے کہا کہ جب اس طرح کا معاملہ ہوتا ہے تو کھلاڑی چوکنے ہو جاتے ہیں اور بہت سے دیگر کھلاڑی ریڈار پر آ جاتے ہیں۔

انہوں نے تمام تر معاملے پر افسوس کا اظہار کرتے ہوئے کہا کہ شرجیل خان کا ایک دن پہلے لیسٹر شائر کے ساتھ 70 ہزار پائونڈ کا کنٹریکٹ ہوا ہے اور یہ پانچ لاکھ روپے پر گر گئے ہیں، مجھے تو حیرانی ہوتی ہے۔ان کا کہنا تھا کہ محمد عامر کا بھی جب سپاٹ فکسنگ سکینڈل سامنے آیا تھا تو اس سے ایک دن پہلے یارک شائر سے ایک لاکھ بیس ہزار پائونڈ کا کنٹریکٹ آفر ہوا تھا ۔