لاہور(آئی این پی)پاکستان کرکٹ ٹیم کے سابق فاسٹ بولر اور لاہورقلندرزکے ڈائریکٹرکرکٹ آپریشنز عاقب جاوید نے ذکاء اشرف کے دورمیں اْس وقت کے صدر مملکت آصف زرداری سے سفارش کرانے کا اعتراف کرلیاہے۔

اپنے ایک انٹرویو میں عاقب جاویدنے انکشاف کیا ہے کہ 2012ء میں جب وہ نوکری چھوڑکرجانے لگے تھے تو اْس وقت کے چیئرمین ذکاء اشرف نے اْنہیں ریلیز کرنے سے انکار کردیاتھا۔عاقب جاویدنے بتایا کہ اس موقع پر انہوں نے صدرمملکت آصف زرداری سے سفارش کراکر اپنی نوکری چھڑوائی تھی۔ میں واحد آدمی ہوں گا جو نوکری ختم کرانے کیلئے سفارش کرارہاتھا۔