اسلام آباد (این این آئی)پاکستان سپر لیگ (پی ایس ایل) کی ٹیم پشاور زلمی کے مالک جاوید آفریدی نے کہاہے کہ ان کی ٹیم کے قومی اور غیرملکیوں سمیت تمام کھلاڑی لاہور میں فائنل کھیلنے کو تیار ہیں۔ایک انٹرویومیں جاوید آفریدی نے کہا کہ گزشتہ رات کو ٹیم سے میری ملاقات ہوئی اور فائنل میں پہنچنے کی
صورت میں لاہور میں کھیلنے کے حوالے سے ہماری بات ہوئی ہے۔پشاور زلمی کی جانب سے لیگ کے آغاز سے قبل کھلاڑیوں اور انتظامیہ کی جانب سے لاہور میں فائنل کھیلنے کیلئے آمادگی ایک نیک شگون ہے ٗ کھلاڑی فائنل کے حوالے سے اب مزید پرجوش ہوں گے۔
