اسلام آباد(مانیٹرنگ ڈیسک)کرکٹ شائقین کے لئے اہم خبر آگئی ، جنوبی افریقہ نے بھی پاکستان سپر لیگ کی طرز پر ٹی 20میلہ سجانے کا اعلان کر دیا۔ تفصیلات کے مطابق جنوبی افریقہ نے بھی پاکستان سپر لیگ کی طرز پر اپنا ٹی 20 میلہ سجانے کا اعلان کر دیا ہے۔ اس حوالے سے جنوبی افریقہ کرکٹ بورڈ نےابتدائی تفصیل جاری کرتے ہوئے بتایا ہے کہ ٹی 20 میلے میں 8 ٹیمیں شامل ہوں گی.

جنہیں مختلف شہروں سے منسوب کیا جائے گا۔ نئی کرکٹ لیگ کے حوالے سے مزید تفصیلات ظاہر نہیں کی گئیں تاہم انعقاد رواں سال کے آخر میں ہوگا ۔ ایونٹ کیلئے اظہار دلچسپی کے ٹینڈرز جمع کرانے کی آخری تاریخ 3 مارچ مقرر کی گئی ہے۔ واضح رہے پاکستان سپر لیگ کا دوسرا ایڈیشن جلد شروع ہونے والا ہے جس کیلئے دبئی میں تیاریاں عروج پر ہیں۔

موضوعات:پی ایس ایل گونج