لاہور( این این آئی)حکومت نے پاکستان بیس بال ٹیم کو ورلڈ کپ کوالیفائنگ راؤنڈ میں اسرائیل سے کھیلنے کی اجازت دے دی،پاکستان بیس بال ٹیم ورلڈ بیس بال کوالیفائنگ راؤنڈ میں اسرائیل سے مدمقابل ہوگی۔پاکستان بیس بال فیڈریشن کے چیئرمین شوکت جاوید کے مطابق فیڈریشن کی اجازت پر حکومت پاکستان نے قومی بیس بال ٹیم کو ورلڈ کوالیفائینگ راؤنڈ میں اسرائیل سے مقابلے کی اجازت دے دی ہے۔ انہوں نے مزید بتایا کہ اسرائیل کے ساتھ سفارتی تعلقات نہ ہونے کے وجہ سے حکومت سے اجازت مانگی گئی تھی۔ورلڈ بیس بال کوالیفائر راؤنڈ میں 29کھلاڑی پاکستان کی نمائندگی کریں گے۔ورلڈ بیس بال کوالیفائنگ راؤونڈ 22ستمبر سے امریکہ میں شروع ہوگا۔ایونٹ میں شرکت کے لئے قومی بیس بال ٹیم 20ستمبر کی صبح امریکہ روانہ ہوگی۔ پاکستان بیس بال فیڈریشن کے مطابق پاکستان بیس بال ٹیم ایونٹ کے لئے بھرپور تیار ہے اور ایونٹ میں قوم کی توقعات پر پورا اترے گی۔

موضوعات:تاریخ میں پہلی باراسرائیل کے ساتھ میچ