نئی دہلی (این این آئی)بھارتی وزارت داخلہ کے پاکستان کو سیکیورٹی دینے سے انکارکے بعد انٹرنیشنل کبڈی فیڈریشن کی جانب سے جاری کردہ شیڈول میں قومی ٹیم کو ڈاپ کردیا گیا۔میڈیا رپورٹ کے مطابق بھارتی وزیر داخلہ نے اپنے ملک میں ہونے والے کبڈی کے میگا ایونٹ میں پاکستانی ٹیم کو سیکیورٹی دینے سے انکار کردیا جس کے بعد انٹرنیشنل کبڈی فیڈریشن نے اپنے جاری کردہ شیڈول میں پاکستان کبڈی ٹیم کو ڈراپ کردیا ہے۔انٹرنیشنل کبڈی فیڈریشن کے حتمی اعلان سے پہلے ممکنہ ٹیموں میں پاکستان کا نام بھی شامل تھا تاہم اب پاکستان کبڈی ٹیم بھارت کے شہر حیدرآباد میں رواں برس 7 اکتوبر سے شروع ہونے والے شیڈول ورلڈ کپ میں شرکت نہیں کریگی۔دوسری جانب پاکستان کبڈی فیڈریشن نے کہاکہ ایونٹ میں ابھی کافی وقت باقی ہے اور امید ہے کہ بھارتی وزارت داخلہ کی جانب سے اچھی خبر آئے گی اور اگر بھارت کی جانب سے سیکیورٹی کلیئرنس مل گئی تو قومی ٹیم کو ایونٹ میں شرکت کیلئے بھارت ضرور بھیجیں گے۔

موضوعات:پاکستان کبڈی ٹیم