اسلام آباد (این این آئی)پاکستان کرکٹ ٹیم کے سابق کپتان شاہد آفریدی نے کہا ہے کہ پاکستان کرکٹ بورڈ ملک کا نام روشن کرنے والے کرکٹرز کو باعزت انداز میں کرکٹ چھوڑنے کا موقع دینے کی روایت قائم کرے ۔میڈیا سے گفتگو میں شاہد آفریدی نے کہا کہ وہ عزت کے ساتھ کرکٹ چھوڑنا چاہتے ہیں تاہم انہوں نے پی سی بی سے ایسی کوئی درخواست نہیں کی کہ انہیں میچ دیا جائے پھر وہ کرکٹ چھوڑ دیں گے۔شاہد آفریدی نے کہا کہ ان کی انضمام الحق سے بات ہوئی ہے، چیف سلیکٹر نے انہیں اپنا پلان بتایا اور انہوں نے چیف سلیکٹر کو اپنا پلان بتادیا ہے۔

موضوعات:شاہد آفریدی