ممبئی (نیوز ڈیسک) بھارتی ٹیسٹ کرکٹرز یوراج سنگھ اور ہربھجن سنگھ کا نام 45 ہزار کروڑ روپے کے فراڈمیں سامنے آنے کا انکشاف ہوا ہے۔ بھارتی میڈیا کے مطابق یہ فراڈ پرل گروپ نامی کمپنی نے کیا جس نے 2 دہائیوں کے درمیان سرمایہ کاروں سے کروڑوں روپے ہتھیائے ، بھارتی تحقیقاتی اداروں کی جانب سے اس کے چیف اور 3 دیگر افراد کو گرفتار کرلیا گیا ہے۔تفتیش کاروں کا کہناہے کہ یوراج سنگھ اور ہربھجن نے مذکورہ کمپنی سے گفٹ کی صورت میں پلاٹس لیے تھے جس بارے میں ان سے بھی تفتیش ہوسکتی ہے۔ دوسری جانب یوراج سنگھ کی والدہ شبنم نے کہاکہ ان کے بیٹے کا فراڈ گروپ سے کوئی لینا دینا نہیں ہے ، ورلڈ کپ 2011ء4 کے فاتح سکواڈ کا حصہ ہونے پر یوراج کو پلاٹ کی پیشکش ضروری ہوئی تھی تاہم ملا نہیں تھا۔