پرتھ(نیوز ڈیسک)آسٹریلیا نے نیوزی لینڈ کے خلاف پرتھ میں کھیلے جانے والے دوسرے میچ کے دوسرے دن لنچ کے بعد اوپنر ڈیوڈ وارنر کی ڈبلی سنچری کی بدولت نو وکٹ کے نقصان پر 559 رنز بناکر اپنی اننگز ڈیکلیئر کر دی ہے۔پہلے دن کھیل کے اختتام پر آسٹریلیا نے دو وکٹوں کے نقصان پر 400 سے زیادہ رنز بنائے تھے جس میں ڈیوڈ وارنر کی ڈبلی سنچری اور عثمان خواجہ کی سنچری شامل تھی۔خیال رہے کہ ڈیوڈ وارنر نے اس سے قبل پہلے ٹیسٹ میچ کی دونوں اننگز میں سنچری بنائی تھی جبکہ عثمان خواجہ نے بھی پہلے میچ کی پہلی اننگز میں سنچری بنائی تین ٹیسٹ میچ کی اس سریز میں پہلے تین بلے بازوں نے دو ٹیسٹ میچز میں ابھی تک چھ سنچریاں لگائی ہیں جو اپنے آپ میں ایک ریکارڈ ہے۔سنیچر کی صبح پہلے آوٹ ہونے والے بیٹسمین ڈیوڈ وارنر تھے جو کل کے 244 رنز کے سکور میں نو رنز کا اضافہ کرکے 253 رنز پر آؤٹ ہو گئے۔ پھر کپتان سمتھ بھی زیادہ دیر نہ ٹکے اور 27 رنز بناکر ہوگئے۔جمعے کو آسٹریلیا نے ٹاس جیت کر پہلے بیٹنگ کا فیصلہ کیا اور پہلے ہی دن آسٹریلیا کی پوزیشن مستحکم نظر آنے لگی۔اس سے قبل والے میچ میں آسٹریلیا نے بڑی کامیابی حاصل کی تھی اس طرح وہ اسے سیریز میں ایک صفرکی سبقت حاصل ہے۔