لندن(نیوز دیسک)پاکستان سے ٹیسٹ سیریز میں شکست کے بعد انگلش میڈیا جہاں اپنی ٹیم پر برس پڑا وہیں شاہینوں پر طنز کرنے کی عادت بھی نہیں چھوڑی۔ انٹرنیشنل کرکٹ میں کھلاڑیوں کو تیزی کے ساتھ سیکھنا ہوگا ورنہ ان کے کیرئرز مختصر ہوجائیں گے۔ جمی اینڈرسن کے اس بیان کو بنیاد بناکر دی گارجین نے لکھا کہ بظاہر جمی نے ایک عمومی بات کی، مگر سب جانتے ہیں کہ ان کا مطلب کیا تھا۔ پاکستان نے انگلش اسپنرز کو قابو کیا اور پاکستانی اسپنرز نے انگلش ٹیم کو قابو کرلیا۔شارجہ کی جاندار وکٹ پر ایسا کیوں ہوا، ای سی بی کو اس پر سوچنا ہوگا۔ ڈیلی مرر نے لکھا کہ جاندار وکٹ پر انگلش بلے بازوں کی ناکامی کھل کر سامنے آگئی۔ پاکستانی اسپن اٹیک نے انگلینڈ کو گھماکر رکھ دیا۔ڈیلی میل نے جہاں ایشین پچز پر اسپن کھیلنے میں ناکام انگلش بلے بازوں کی خبر لی وہیں پاکستان پر طنز کرنے سے بھی باز نہ آیا۔ لکھتا ہے کہ رینکنگز میں انگلینڈ کا چھٹے نمبر پر جانا اور پاکستان کا دوسری پوزیشن لینا کوئی بڑی بات نہیں۔ ٹیلی گراف نے ایک قدم آگے بڑھ کر وار کیا ،لکھا کہ پاکستان دو سال سے صرف ایشیا میں ہی کھیل رہا ہے، ایشیا سے باہر آخری ٹیسٹ زمبابوے سے کھیلا تھا جو ہار گیا۔ اگر مصباح ریٹائر ہوگئے تو شاید پاکستان کی جیت اور بھی مشکل ہوجائے۔
مزیدپڑھیئے :جیوکے معروف اینکرکاریحام خان کوسونے کے ہارکاتحفہ ،جوطلاق کی وجہ بنا
مزیدپڑھیئے :کرسٹینابیکرنے عمران خا ن کے لئے اسلام کیوں قبول کیا۔۔؟
