نئی دہلی (نیوز ڈیسک )عظیم بھارتی بلے باز سچن ٹنڈولکر نے بھارت اور پاکستان کے تعلقات کی بحالی کی ضرورت کو اجاگر کرتے ہوئے دونوں ممالک کی حکومتوں کو مشورہ دیا ہے کہ اگر وہ سمجھتے ہیں کہ آگے بڑھنے کےلئے دوطرفہ سیریز بہترین ذریعہ ہے تو اس کا انعقاد ہوناچاہیے۔ایک انٹرویو میں انہوںنے کہاکہ دوطرفہ کرکٹ سیریز کی بحالی کے لیے گیند دونوں حکومتوں کے کورٹ میں ہے انہوںنے کہاکہ یہ مسائل ہیں جن کے حل کےلئے دونوں حکومتوں کو فیصلہ کرنے کی ضرورت ہے ¾اگر حکومتیں محسوس کرتی ہیں کہ اگر یہ کرکٹ آگے بڑھنے کےلئے بہترین راستہ ہے اور اگر کرکٹ بورڑ بھی ایسا ہی سمجھتے ہیں تو مجھے آپش میں نہ کھیلنے کی کوئی وجہ نظر نہیں آتی لیکن اگر حکومتیں سمجھتی ہیں کہ یہ مناسب نہیں ہے تو تسلیم کرنا چاہیے۔ پاک بھارت سیریز کے حوالے سے ٹنڈولکر نے کہاکہ اس کا مقصد کرکٹ کو عالمگیر کھیل بنانا ہے جو دنیا کادوسرا مقبول کھیل ہے۔انہوںنے کہاکہ پاک بھارت سیریز کے ذریعے ایک مقصد یہ ہے کہ مزید لوگوں کو کرکٹ سے متعارف کرائیں اور امریکا میں نوجوانوں کی حوصلہ افزائی کرنا جو مستقبل میں کرکٹ کھیلنا چاہتے ہیں۔