اسلام آباد(نیوز ڈیسک) پاکستان کے جادوگر سپنر سعید اجمل نے کہا ہے کہ بھارتی باﺅلر ہربھجن سنگھ کا ایکشن چیک کیا گیا تو یقیناً وہ 15 ڈگری سے اوپر ہی ہو گا جبکہ ایشوین بھی غیر قانونی باﺅلنگ کر رہا ہے۔ تفصیلات کے مطابق سعید اجمل نے کہا کہ آئی سی سی کرکٹ کا فروغ نہیں آف سپن آرٹ کی تباہی کر رہی ہے، جب پاکستانی باﺅلر پرفارمنس دے تو پابندی لگ جاتی ہے لیکن بھارتی کرکٹرز سے کیوں نہیں پوچھا جا رہا؟ انہوں نے کہا کہ بھارتی سپنر ایشون بھی غیر قانونی باﺅلنگ کرتے ہیں لیکن ہربھجن سیدھا سیدھا آنکھوں میں دھول جھونک رہے ہیں اور اگر ان کا ایکشن چیک کیا جائے تو 100 فیصد یقین ہے کہ وہ 15 ڈگری سے زیادہ ہی نکلے گا۔ انہوں نے کہا کہ بلال آصف جب کوئی وکٹ نہ لے تو کوئی مسئلہ نہیں لیکن اگر پانچ وکٹیں لے لے تو پابندی لگ جاتی ہے ، آئی سی سی نے اگر اصولوں کی پاسداری کرنی ہے تو سب پر کریں صرف پاکستانی کھلاڑیوں کےساتھ ہی ایسا کرنا غلط ہے۔