لاہور(نیوزڈیسک )وکٹ کیپر اور بلے باز محمد رضوان نے کہا ہے کہ میں اللہ کو حاضر ناظر جان کر کہتا ہوں کہ میری خواہش ہے کہ پہلے سرفراز احمد کو موقع ملے اس کےلئے چاہے میںباہر ہی بیٹھا رہوں تو کوئی بات نہیں ،سرفراز احمد پاکستان کیلئے اچھا کررہے ہیں تو انہیں ہی کھیلنا چاہیے، جس طرح وہ مجھے اپنا بھائی سمجھتے ہوئے وکٹ کیپنگ کے متعلق بتاتے ہیں اسے دیکھتے ہوئے کبھی بھی میرے ذہن میں یہ بات نہیں آئی کہ میرا ان کیساتھ کوئی مقابلہ ہے ۔ ایک انٹر ویو میں انہوں نے کہا کہ جتنا مجھے سرفراز احمد سپورٹ کرتے ہیں اسے دیکھتے ہوئے مجھے نہیں لگتا کہ انہوں نے کبھی سوچا ہوگا کہ رضوان کیساتھ میرا کوئی مقابلہ ہے یا اگر میں پرفارم نہیں کروں گا تو رضوان کو میری جگہ مل جائے گی ایسا بالکل نہیں ہوا بلکہ جب سے میں ٹیم میں آیا ہوں کہ سرفراز احمد نے مجھے اتنا سپورٹ کیا ہے کہ میں سوچ بھی نہیں سکتا تھا۔ ان کا رویہ میرے ساتھ بالکل بھائیوں جیسا ہے ۔