دبئی(نیوز ڈیسک )پاکستان کرکٹ ٹیم کے ہیڈ کوچ وقار یونس نے کہا ہے کہ انگلینڈ کےخلاف تین میچوں کی ٹیسٹ سیریز میں ایک صفر کی سبقت حاصل کرنا اچھا ہے تاہم وہ سیریز کا اختتام دوصفر پر کرنا چاہیں گے ¾پاکستانی ٹیم اپنی سپن اور ریورس سوئنگ کی قوت لے کر میدان میں اترے گی۔ ایک انٹرویو میں وقار یونس نے کہا کہ پاکستانی کھلاڑیوں کو دبئی ٹیسٹ جیتنے پر کریڈٹ دینا پڑے گا خاص طور پر باو¿لرز ¾ انگلینڈ نے بھی شدید مزاحمت کی اور یہ کرکٹ کا ایک بہترین میچ تھا۔وقار نے دبئی ٹیسٹ کے آخری دن کو ٹیسٹ کرکٹ کے لیے بہترین اشتہار قرار دیتے ہوئے کہا کہ اس دن حقیقت میں کرکٹ کی جیت ہوئی۔انہوں نے اس تاثر کو مسترد کردیا کہ ٹیسٹ کرکٹ کو کسی قسم کا خطرہ ہے یہی حقیقی کرکٹ ہے اور یہ کہیں نہیں جانے والی تاہم ہیڈ کوچ کے مطابق پاکستانی ٹیم دیگر ممالک کے مقابلے میں ٹیسٹ کرکٹ کم کھیلتی ہے۔ان کے مطابق دیگر ٹیمیں ہر سال 15 سے 18 ٹیسٹ میچ کھیلتی ہیں جبکہ پاکستان چھ سے آٹھ یا زیادہ سے زیادہ 10 ٹیسٹ کھیلتا ہے اور اس صورت حال کو تبدیل ہونے کی ضرورت ہے۔ایک سوال کے جواب میں وقار یونس نے کہاکہ پاکستانی ٹیم کو دبئی ٹیسٹ کی جیت کا کریڈٹ ملنا چاہیے خاص کر بولرز نے بہت محنت کی اور خوشی کی بات یہ ہے کہ پاکستانی ٹیم کوسیریز میں برتری حاصل ہوگئی ہے۔وقاریونس نے شارجہ کی وکٹ کے بارے میں کہا کہ شارجہ کی وکٹ ماضی میں بیٹنگ کے لیے سازگار رہی ہے لیکن سننے میں آیا ہے کہ اس وکٹ کی مٹی تبدیل کی گئی ہے اور اسے بہتر کرنے کی کوشش کی گئی ہے۔ پاکستانی ٹیم اپنی سپن اور ریورس سوئنگ کی قوت لے کر میدان میں اترے گی۔