لاہو(نیوزڈیسک)..پاکستان سوپر لیگ کی کہکشاں میں ستاروں کا اضافہ ہورہا ہے، کریس گیل اور کیوین پیٹرسن کے بعد ایک اور لیجنڈ بیٹسمین ، سری لنکا کے کمار سنگاکارا پی ایس ایل ڈرافٹ میں شامل ہوگئے ہیں ۔پاکستان سپر لیگ میںچوکو ں اور چھکوں کی برسات،اسپن کا جادو، یارکرز کی یلغاریہ سب چار سے چوبیس فروری تک ہوگا متحدہ عرب امارات میں ۔ دنیا بھر کے نامور کرکٹرز پی ایس ایل ڈرافٹ میں شامل ہورہے ہیں ، پی ایس ایل میں تازہ اضافہ سری لنکا کے لیجنڈ بیٹسمین کمار سنگاکارا ہیں، کرکٹ ورلڈ کپ میں شاندار کارکردگی کا مظاہرہ کرنے والے کمار سنگاکارا نے بھی پاکستان سوپر لیگ کے کہکشاں میں چمکنے پر رضامندی ظاہر کردی ہے ۔پاکستان سوپر لیگ کے سربراہ نجم سیٹھی کا کہنا ہے کہ کمار سنگاکارا پاکستان سوپر لیگ میں ایک اچھا اضافہ ہیں، ان کی آمد سے پاکستان سوپر لیگ مزید دلچسپ ہوگی ۔