کراچی(نیوز ڈیسک)قومی ٹی ٹوینٹی ٹیم کے کپتان شاہد آفریدی نے زلزلہ متاثرین کیلئے 50 لاکھ روپے کی امداد کا اعلان کردیا۔ شاہد آفریدی نے پشاور کے لیڈی ریڈنگ ہسپتال کا دورہ کیا اور زخمیوں کی عیادت کی۔ اس موقع پر انہوں نے میڈیا سے گفتگو کرتے ہوئے کہا کہ ہسپتال کے اندر انتظامات کافی اچھے ہیں اور مریضوں کا مکمل خیال رکھا جا رہا ہے۔کافی تعداد میں مریضوں کو لایا جا رہا ہے جن کو طبی امداد دینے کا سلسلہ جاری ہے۔انہوں نے شاہد آفریدی فاونڈیشن کی طرف سے 50 لاکھ روپے کی امداد کا اعلان کرتے ہوئے قوم سے اپیل کی کہ گزشتہ روز آنے والا زلزلہ ملکی تاریخ کا بدترین زلزلہ ہے متاثرین کی بحالی کیلئے پورے ملک سے لوگ خیبرپختونخواہ آئیں اور امدادی کاموں میں حصہ لیں۔