دبئی (نیوزڈیسک) کرکٹ کی تاریخ میں کئی ریکارڈز بنتے اور ٹوٹتے ہیں اور کئی انوکھے واقعات بھی رونماءہو چکے ہیں جنہیں آج تک یاد کیا جاتا ہے ،اب اس فہرست میں ایک اور واقعہ بھی شامل ہو گیا ہے جو دبئی میں پاکستان اور انگلینڈ کے درمیان جاری ٹیسٹ میچ میں اس وقت پیش آیا جب یونس خان انگلش بلے باز کی جانب سے کھیلی گئی شاٹ پر چوکا روکنے کیلئے باو¿نڈری کی جانب بھاگے۔ یونس خان چوکا روکنے میں تو کامیاب نہ ہو سکے تاہم یہ دیکھ کر حیران ضرور ہوئے کہ وہ جس گیند کے پیچھے بھاگ رہے ہیں اس کے بالکل قریب باو¿نڈری کے اندر ایک اور گیند پڑی ہے۔ عموماً کسی بھی میچ کے دوران باو¿نڈری کے اندر یا باہر کوئی دوسری گیند موجود نہیں ہوتی اور اگر کسی وجہ سے امپائرز کو گیند تبدیل یا پھر نئی گیند لینی پڑے تو اس کیلئے بھی پہلے کال دی جاتی ہے اور پھر ایک شخص گیند سے بھرا ڈبہ لے کر امپائرز کی جانب دوڑتا ہے۔ یونس خان خود تو حیران ہوئے ہی لیکن اس کے ساتھ ہی شائقین، کمنٹیٹرز اور امپائرز بھی حیران ہوئے کہ آخر باو¿نڈری کے اندر دوسرے گیند کا کیا کام؟ یہ واقعہ ابھی تک معمہ ہی ہے تاہم اس کی وضاحت ضروری ہے کیونکہ کھلاڑیوں کیساتھ ساتھ شائقین بھی یہ جاننا چاہتے ہیں کہ آخر باو¿نڈری کے اندر دوسری گیند آئی کہاں سے تھی۔