لاہور(نیوز ڈیسک)پاکستان کرکٹ ٹیم کیسابق سیلیکٹر اورمینجر میاں یاورسعید انتقال کرگئے ، نماز جنازہ جمعے کی صبح دس بجے ٹیک سوسائٹی لاہورمیں ادا کی جائیگی۔قومی کرکٹ کے سابق مینجر اورسیلکٹر میاں یاورسعیدکی عمر80سال تھی۔ انکی نماز جنازہ 23اکتوبر بروز جمعہ صبح 10بجے کینال روڈ ٹیک سوسائٹی میں ادا کی جائیگی۔میاں یاورسعید سابق ٹیسٹ کرکٹر میاں سعید کے صاحبزادے ، چیئرمین سینٹ میاں رضا ربانی کے سسر اور سابق ٹیسٹ کرکٹر فضل محمود کے برادرنسبتی تھے۔ 2010میں پاک انگلینڈ سیریز کیوقت پاکستان ٹیم کے مینجر تھے ، سیریز ہارنے اور کھلاڑیوں پر میچ فکسنگ کے الزامات لگنے پر میاں یاورسعید نے اپنے عہدے سے استعفیٰ دیاتھا۔