دبئی (نیوز ڈیسک)پاکستان اور انگلینڈ کے درمیان دوسرا ٹیسٹ جمعرات سے دبئی میں شروع ہو رہا ہے۔ امکان ہے کہ پاکستان ٹیم میں راحت علی کی جگہ یاسر شاہ کو ملے گی۔ قومی ٹیم میں ذوالفقار بابر کی جگہ بلال آصف کو ٹیسٹ کیپ ملنے کا امکان ہے۔ پاکستان دو فاسٹ بولروں اور دو اسپنرز کے ساتھ حصہ لے گا جبکہ شعیب ملک بھی اسپن بولنگ میں ذمے داریاں نبھائیں گے اوپنر شان مسعود کو ایک اور چانس ملے گا۔پاکستان ،پہلا ٹیسٹ ڈرا کھیلنے کے بعد پر امید ہے کہ دوسرے ٹیسٹ میں اپنے خطرناک ہتھیار یاسر شاہ کے ذریعے انگلش بیٹنگ لائن میں شگاف ڈالے گا۔ یاسر شاہ سیریز کیلیے پاکستانی ٹیم کے ٹرمپ کارڈ ہیں لیکن سیریز کے پہلے ٹیسٹ سے ایک دن قبل وہ کمر کی تکلیف کا شکار ہوگئے تھے البتہ انہوں نے پہلا موقع گنوانے کے بعد اب کمر کس لی ہے۔