اسلام آباد(نیوز ڈیسک)انگلینڈ ویمن کرکٹ ٹیم کی وکٹ کیپر سارہ ٹیلر دنیائے کرکٹ میں ایک نئی تاریخ رقم کرنے جا رہی ہیں ، وہ آسٹریلیا کی ڈسٹرکٹ مینز ٹیم میں کھیلنے والی دنیا کی پہلی کرکٹر بن جائیں گی۔سارہ ٹیلر آسٹریلیا کی گریڈ کرکٹ سیریز میں نارتھ ڈسٹرکٹ کرکٹ کلب کی نمائندگی کریں گی۔تفصیلات کے مطابق ساﺅتھ آسٹریلیا کی ٹاپ مینز ٹیم پورٹ ایڈیلیڈ کا مقابلہ کرنے کے لیے مرد بھی ایک بار سوچتے ہیں لیکن سارہ ٹیلر بہادری سے اس مقابلے میں اپنی صلاحیتوں کے جوہر دکھائیں گی۔سارہ ٹیلر نارتھ ڈسٹرکٹ کرکٹ کلب کے لیے بیٹنگ کے فرائض انجام دیں گی اور ٹیم کے بلے باز مارک کوگروف کے ساتھ بیٹنگ کریں گی۔اپنے انٹرویو میں سارہ ٹیلر کا کہنا تھا کہ لڑکوں کے ساتھ کرکٹ کھیلنا ان کے لیے کوئی نئی بات نہیں ہے ، وہ بریٹن کالج میں لڑکوں کی ٹیم میں کھیلتی تھیں اور انھوں نے انگلینڈ اینڈ ویلز کرکٹ بورڈ کی مینز پریمئر لیگ میں بھی حصہ لیا ہے۔لیکن گریڈ کرکٹ اس سے بڑے درجے کی کرکٹ ہے جس میں پہلی مرتبہ پرفارم کرنے جا رہی ہوں ، اج تک گریڈ کرکٹ میں کوئی بھی لڑکی حصہ نہیں لے سکی ہے۔سارہ ٹیلر انگلینڈ کی جانب سے 98 ون ڈے انٹرنیشنل اور 73 ٹی ٹوئنٹی میچز کھیل چکی ہیں اور نارتھ ڈسٹرکٹ کی ٹیم میں نمبر 8 پر بیٹنگ کریں گی۔1897ئ سے آسٹریلوی گریڈ کرکٹ کی تاریخ میں سارہ ٹیلر پہلی خاتون کرکٹر ہیں جو اس میں حصہ لے رہی ہیں۔