گالے(نیوز ڈیسک)سری لنکا اور ویسٹ انڈیز کے درمیان جاری 2ٹیسٹ میچوں پر مشتمل سیریز کا پہلا ٹیسٹ گالے میں جاری ہے۔ میچ کے آج تیسرے دن کالی اندھی ٹیم اپنی پہلے اننگز میں لنکن ٹیم کے 484رنز کے جواب میں 251رنز پر ڈھیر اور فالوآن کا شکار ہوگئی۔ لنکن بولرز کی جانب سے رنگانہ ہیراتھ نے 6وکٹیں حاصل کرکے کالی اندھی کی بیٹنگ لائن کو تباہ کردیا۔ویسٹ انڈیز کی جانب سے صرف ڈیرن براو نصف سنچر بنا سکے وہ 50رنز بنا کر ہیراتھ کا شکار ہوئے۔ سری لنکن کپتان اینجلو میتھیوز نے ویسٹ انڈیز کو فالو آن کرانے کا فیصلہ کیا، جس کے بعد کالی اندھی ٹیم نے فالو آن کرتے ہوئے اپنی دوسری اننگز میں 2وکٹوں کے نقصان پر 67رنز اسکور کرلیے ہیں۔ ٹیم کو اب بھی اننگز کی شکست سے بچنے کے لیے 166رنز مزید درکار ہیں اور ان کی 8وکٹیں باقی ہیں۔اس سے پہلے لنکن ٹیم اپنی پہلے اننگز میں 484رنز بنا کر آؤٹ ہوگئی تھی، ٹیم کی جانب سے ڈیموتھ کروناراٹنے نے 186رنز اور دینش چندیمل نے 151رنز کی شاندار اننگز کھیلی ، تاہم کالی اندھی بولرز کی جانب سے دیوندرہ بیشو نے 4وکٹیں حاصل کیں۔