ابوظہبی(نیوزڈیسک).پاکستان اورانگلینڈ کے درمیان کھیلے جانے والے پہلے ٹیسٹ میچ کے چوتھے دن کا کھیل ختم ہونے تک انگلینڈ نے آٹھ وکٹو ں کے نقصان پر 569بنائے ہیں۔یہ انگلینڈ کا پاکستان کے خلاف سب سے بڑا مجموعہ بھی ہے،اسطرح انگلینڈ کو پاکستان پر 46رنز کی سبقت حاصل ہوگئی اور ابھی اسکی دووکٹیں باقی ہیں۔انگلش کپتان الیسٹر کک 263رنز بناکر آئوٹ ہوگئے۔وہ پاکستان کے خلاف کسی بھی انگلش بیٹسمین کی جانب سے بنائے گئے 278رنز کا ریکارڈ توڑنے میں ناکام رہے، یاد رہے کہ یہ ریکارڈ 1954میں ڈینس کامپٹن نے بنایا تھا۔ انگلینڈ کی جانب سے دوسرے بیٹسمینوں میں جوئے روٹ 85بین اسٹوک 57،مارک ووڈ 4،جونی بیرسٹو8،بٹلر23رنز بناکرآئوٹ ہوئے۔عادل راشد6جبکہ اسٹورٹ براڈ صفر کریز پر موجود ہیں۔
آج انگلش ٹیم کو 86اعشاریہ تین اوورز کھیلنے کا موقع ملا۔کل کھیل کاپانچواں اور آخری دن ہے۔پاکستان کی جانب سے وہاب ریاض 3،شعیب ملک2جبکہ ذوالفقار بابر، راحت علی اور عمران خان نے ایک ایک وکٹ اپنے نام کی۔ –