کراچی (نیوز ڈیسک )سندھ ہائیکورٹ نے معین خان کے کیسینو سکینڈل سے متعلق دائر درخواست واپس لیئے جانے کی بنا پر خارج کر دی ہے۔واضح رہے کہ ورلڈ کپ کھیلنے کیلئے جانے والی قومی ٹیم کے ساتھ موجود چیف سلیکٹر معین خان کے ویسٹ انڈیز کے خلاف میچ سے قبل کیسینوچلے گئے تھے۔اس میچ میں پاکستانی ٹیم کو ویسٹ انڈیز کے خلاف اہم میچ میں 150 رنز سے شکست کی خفت برداشت کرنا پڑی تھی جس کے باعث تمام حلقوں کی جانب سے قومی ٹیم پر تنقید کی گئی جبکہ پی سی بی نے معین خان سے وضاحت طلب کی تھی۔معین خان کا موقف تھا کہ وہ اہلخانہ اور دوستوں کے ساتھ کھانا کھانے گئے تھے اور انہوں نے کھانے کیلئے نامناسب مقام کے انتخاب پر معذرت بھی کی تھی۔