اسلام آباد(نیوز ڈیسک)پاکستان کرکٹ بورڈ کے چیئرمین شہریار خان نے کہاہے آئندہ ایک ہفتے میں بھارت کی جانب سے سیریز کے حوالے سے جواب آجائے گا اور اگرجواب مثبت ہوا تو خوش آمدید ورنہ دوسرے آپشنز پر غور کریں گے۔لاہور میںپریس کانفرنس سے خطاب کرتے ہوئے شہریار خان نے کہا کہ پاکستان اور بھارت کے کرکٹ بورڈ کے درمیان تعلقات ا چھے ہونے چاہیں، ہمیں بھارت کی جانب سے کرکٹ سریز کے بارے میں جلد جواب مل جائے گا۔انہوں نے کہا کہ وہ بھارت جانے کیلئے ذہنی طور پر تیارہیں اور آئندہ ہفتے بھارتی کرکٹ بورڈ کے سربراہ سے ملاقات بھی کریں گے ، آئی سی سی کو بھی بتادیا کہ سریز کے حوالے سے بھارت کی جانب سے کوئی جواب نہیں آیا۔شہریار خان کاکہناتھاکہ پاکستان کی جانب سے ہمیشہ گرین لائٹ رہی ہے ،پاکستان کے دروازے ہمیشہ سے کھلے ہیں جبکہ رکاوٹ بھارت کی جانے سے اور فیصلہ بھی بھارت کو ہی کرناہے۔