لاہور (نیوز ڈیسک) پاکستان کے سزا یافتہ فاسٹ باولر محمد عامر نے لاہور میں فاطمید فاونڈیشن کا دورہ کیا۔ اس موقع پر انہوں نے تھلیسیمیا کے مریض بچوں کو خون کا عطیہ دیا۔ اس موقع پر انہوں نے میڈیا سے گفتگو کرتے ہوئے کہا کہ ٹیم نے مجھے ہمیشہ سپورٹ کیا ہے۔ فاسٹ باولرز کا کیمپ ختم ہونے کے بعد پریکٹس کرتا تھا۔ انہوں نے کہا میری کسی سے لڑائی نہیں ہے اور نہ ہی کرنا چاہتا ہوں۔ سب کی سوچ ایک جیسی نہیں ہوتی کچھ لوگوں نے مجھے سپورٹ کیا ہے اور کچھ نے میری مخالفت کی۔ سب میرے بڑے ہیں اور ان کی عزت کرنی چاہئے۔ اپنی بہترین کارکردگی دکھاوں گا ٹیم میں سلیکٹ کرنا سلیکٹرز کا کام ہے۔ اللہ نے مجھے موقع دیا ہے تو میں اس موقع سے فائدہ اٹھانا چاہوں گا۔