اوول(نیوز ڈیسک)انگلینڈ اور آسٹریلیا کے درمیان جاری 5ٹیسٹ میچوں پر مشتمل ایشز سیریز کا پانچواں اور آخری ٹیسٹ اوول کے گراﺅنڈ میں جاری ہے۔ میچ میں آج دوسرے روز کھیل ختم ہونے تک انگلش ٹیم بری طرح مشکلات سے دوچار نظر آئی، انہوں نے اپنی پہلی اننگز میں 8وکٹوں پر 107رنز اسکور کیے، کینگروز بولرز کی جانب سے مچل مارش3، پیٹر سڈل اور نیتھن لﺅن نے 2،2وکٹیں حاصل کیں۔ اس سے پہلے دوسرے دن کے آغاز پر آسٹریلوی ٹیم نے اپنی پہلے اننگز 287رنز 3وکٹوں پر دوبارہ شروع کی، تو اسٹیون اسمتھ اور ایدم وجز نے شاندار کارکردگی کا مظاہرہ کیا، اسٹیون اسمتھ 143رنز کی زبردست اننگز کھیلی ساتھ ہی ایدم وجز بھی پیچھے نہ رہے، وہ 76رنز کے ساتھ نمایاں رہے اور آخر میں مچل اسٹارک کے برق رفتار 58رنز نے کینگروز کو ایک بڑا اسکور کا مجموعہ ترتیب دینے میں اہم کردار ادا کیا، انگلش بولرز کی جانب سے اسٹیو فن، بین اسٹوکس اور معین علی نے 3،3کھلاڑیوں کو آوٹ کیا –