لاہور(نیوز ڈیسک) پاکستان کرکٹ بورڈ نے اسپاٹ فکسنگ کیس میں ملنے والی سزا سے گزشتہ روز ہی رعایت پانے والے کھلاڑیوں سلمان بٹ اور محمد آصف کو ڈومیسٹک اور ٹی ٹوئنٹی کرکٹ کھیلنے سے روک دیا ہے۔
نجی ٹی وی کے مطابق گزشتہ روز آئی سی سی کی جانب سے دونوں کھلاڑیوں پر لگی پابندی 5 سال مکمل ہونے پر ہٹا دی گئی جس کے بعد لاہور سٹی کرکٹ ایسوسی ایشن نے سلمان بٹ اور محمد آصف کو ٹیم میں شامل کرنے کا اعلان کیا تھا۔ ذرائع پی سی بی کا کہنا ہے کہ حکام نے لاہور کرکٹ ایسوسی ایشن کو دونوں کھلاڑیوں کو ٹیم میں شامل کرنے سے منع کیا ہے جب کہ دونوں کھلاڑیوں کو بھی حکم دیا گیا ہے کہ جب تک پی سی بی حکام دونوں کھلاڑیوں کو کھلانے سے متعلق باقاعدہ فیصلہ نہیں کر لیتے تو اس وقت تک کسی بھی ٹیم کی جانب سے کھیلنے سے گریز کیا جائے۔
دوسری جانب سلمان بٹ کا میڈیا سے گفتگو کرتے ہوئے کہنا تھا کہ پابندی ہٹانے میں پی سی بی سے بہت ساتھ دیا اور اب ماضی کو بھلا کر پاکستان کے لئے کرکٹ کھیلنا چاہتے ہیں۔ ان کا کہنا تھا کہ نوجوان کھلاڑیوں کو ہم سے سبق سیکھنا چاہیئے تاکہ انہیں اس قسم کے مسائل کا سامنا نہ کرنا پڑے۔
واضح رہے کہ 2010 میں انگلینڈ کے خلاف ٹیسٹ میچ میں اسپاٹ فکسنگ کے الزام میں اس وقت کے ٹیسٹ کپتان سلمان بٹ پر 10 سال، محمد آصف پر 7 سال اور محمد عامر پر 5 سال کی پابندی لگائی تھی۔
آصف اور سلمان کو ڈومیسٹک اور ٹی ٹوئنٹی کرکٹ کھیلنے سے روک دیا گیا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بڑی خوشخبری، اقامہ فیس ختم کرنے کی منظوری
-
پاکستان تحریک انصاف کے رہنماؤں کا پاکستان پیپلزپارٹی میں شمولیت کا اعلان
-
جیل سے آنے کے بعد پہلے وی لاگ سے کتنی کمائی ہوئی؟ ڈکی بھائی کا ہوشربا انکشاف
-
آسٹریلیا کا غیر ملکیوں کے ویزے بارے بڑا اعلان
-
بھارتی اداکارہ کی نازیبا تصاویر وائرل، پولیس میں شکایت درج کروادی
-
تنخواہ دار طبقے کےلیے بڑی خوشخبری
-
پاکستانی سینما میں انقلاب، نئی فلم دی نیکسٹ صلاح الدین نے تاریخ بدل دی
-
معروف اداکارہ کے ساتھ سرعام بدسلوکی، ویڈیو وائرل
-
سپریم کورٹ نے زیادتی کے مقدمہ کو زنا بالرضا میں تبدیل کر دیا، سزا میں کمی
-
والدین کا بہیمانہ قتل، بیٹے نے لاشیں کاٹ کر دریا میں بہادیں
-
وہ 6 عام غذائیں جن سے کینسر سے متاثر ہونے کا خطرہ بڑھتا ہے
-
چلتی موٹر سائیکل پر نازیبا حرکت کرنے والا پولیس افسر کا بیٹا پکڑا گیا
-
ڈی ایس پی کے ہاتھوں اہلیہ اور بیٹی کا قتل پولیس افسران کیلیے نئی مشکل بن گیا
-
عام تعطیل کا اعلان















































