لاہور ( مانیٹرنگ ڈیسک) قومی ہاکی ٹیم کی خراب کارکردگی پر ہاکی فیڈریشن کے صدر اختر رسول نے استعفیٰ دے دیا ، نجی ٹی وی کے ذرائع کے مطابق پی ایچ ایف کے صدر اختر رسول کی طرف سے استعفیٰ وزیر اعظم کو بھجوائے جانے کے بعد نئے صدر کیلئے برگیڈیئر (ر) سجاد کھوکھر کا نام سامنے آرہا ہے ، مستعفی ہونے والے صدر مسلم لیگ ن کے صوبائی اسمبلی کے امیدوار بھی رہ چکے ہیں ، انہوں نے انتخابات میں شکست کے بعد ہاکی ٹیم کی سرپرستی کی ذمہ داری بھی سنبھالی تھی ، اختر رسول کے آنے کے بعد قومی ہاکی ٹیم کو پہلی بار عالمی کپ میں شرکت سے محروم ہونا پڑا تھا ، گذشہ کچھ عرصے سے قومی ٹیم کی خراب کارکردگی کے باعث ان پر استعفے کیلئے دباﺅ دیا جارہا تھا ، پاکستان ہاکی ٹیم کی مایوس کن کارکردگی کے بعد حکومت ہاکی فیڈریشن میں بڑے پیمانے پر اکھاڑ پچھاڑ کا ارادہ رکھتی ہے ، تاکہ قومی ٹیم کی بین الاقوامی ٹورنامنٹ میں کارکردگی بہتر بنائی جاسکے، تجزیہ کاروں کا کہنا ہے کہ ہاکی فیڈریشن میں سیاسی اثر رسوخ کے خاتمے تک بہتر کارکردگی کی توقع بے ہوگی ، فیڈریشن میں ہاکی سے متعلقہ اور انتظامی امور کے ماہر لوگوں کو شامل کیا جانا چاہیے