اسلام آباد(نیوز ڈیسک)اسلام آباد چیمبر آف کامرس نے قومی کھیل کے زوال کو دیکھتے ہوئے پاکستان ہاکی کو مالی مدد کی پیشکش کر دی تقریب سے خطاب کرتے ہوئے چیمبر کے قائمقام صدر اشفاق چٹھہ نے کہا کہ دنیا بھر میں پاکستان کو پہچان دینے والی ہاکی ٹیم کی حالیہ کارکردگی دیکھ کر سر شرم سے جھک گئے ہیں۔قائم مقام صدر اشفاق چٹھہ نے کہا کہ ایک دور تھا کہ ب پوری دنیا میں پاکستان ہاکی کا نام ہوا کرتا تھا اب تمام اداروں نے قومی کھیل کی سپورٹ سے ہاتھ کھینچ لیا ہے،ہاکی کی بہتری کےلئے مالی طور پر مستحکم اداروں کو آگے ہو گا۔اشفاق چٹھہ نے کہا کہ کھلاڑیوں کو روزگار دے کر مالی طور پر مستحکم کرنے سے پاکستان ہاکی کو ایک دفعہ پھر عروج پر لے جایا جا سکتا ہے۔اشفاق چٹھہ نے کہا کہ ہاکی میں سپانسرشپ لا کر ہاکی اور اسکواش سمیت ملک میں زوال پذیر تمام کھیلوں میں بہتری لائی جا سکتی ہے اور اسلام آباد چیمبر اس حوالے سے دیگر اداروں کے ساتھ مل کر ہر ممکن مدد دے گی۔