لاہور(نیوزڈیسک)پاکستان سپر لیگ کےلئے پی سی بی کے رابطے،بین الاقوامی کرکٹرز کاحیرت انگیز ردعمل،غیرمتوقع طورپر واضح دلچسپی کا اظہار،پاکستان کرکٹ بورڈ نے پاکستان سپر لیگ کےلئے بین الاقوامی کرکٹرز سے رابطوں کا آغاز کردیا،ویسٹ انڈیز،زمبابوے ،سری لنکا ،بنگلہ دیش اورجنوبی افریقہ کے کئی اسٹارز نے پاکستان سپر لیگ کھیلنے میں دلچسپی ظاہرکر دی ۔میڈیا رپورٹس کے مطابق پی سی بی نے پاکستان سپر لیگ کے انعقاد کے لئے عملی کاوشیں شروع کر دی ہیں اور اس کے انعقاد کے لیے تیاریوں میںبھی تیزدیکھی گئی ہے ۔سری لنکا،ویسٹ انڈیز،جنوبی افریقہ اور زمبابوے کے کرکٹرز کی طرف سے پاکستان سپر لیگ کھیلنے پرآمادگی کے بعد انہیں معاہدے کی کاپیاں بھی بھجوا دی گئی ہیں اور قوی امکان ہے کہ معاہدوں پر رواں ماہ ہی دستخط ہوں گے جبکہ پانچوں فرنچائز کے نام اکتوبر میں فائنل کرلئے جائیں گے۔پی سی بی نے پاکستان سپرلیگ کھیلنے کیلئے جن کھلاڑیوں سے رابطہ کیا ان میں کرس گیل،کیرن پولارڈ، دلشان ،جیک کیلس،شکیب الحسن،چی بابا سمیت کئی اسٹارشامل ہیں۔پاکستان کرکٹ بورڈ دوسرے مرحلے میں انگلش، آسٹریلین اور کیویز کرکٹرز سے رابطے کرے گا۔