برمنگھم(نیوز ڈیسک) اسٹیون فن اور بیل نے ایجبسٹن ٹیسٹ میں آسٹریلیا کا بھرکس نکال دیا، انگلینڈ نے میچ تیسرے ہی دن8 وکٹ سے جیت کرایک بار پھر برتری حاصل کرلی۔پانچ میچزکی سیریز میں اب میزبان کو2-1 کی سبقت مل گئی، میچ کے ہیرو قرار پانے والے فن نے6 وکٹیں لیتے ہوئے کینگروز کی دوسری باری265 پرتمام کی، ڈیوڈ وارنر، پیٹرنویل اور مچل اسٹارک نے نصف سنچریاں بناکر مزاحمت پیش کی، انگلینڈ نے فتح کیلئے درکار 121رنز کا ہدف32.1 اوورز میں محض دو وکٹ کھوکر حاصل کرلیا۔بیل 65 اور جوئے روٹ38 پر ناٹ آو¿ٹ رہے۔تفصیلات کے مطابق انگلینڈ نے آسٹریلیا کو ایجبسٹن ٹیسٹ میں 8و کٹ سے شکست دیکر پانچ میچز کی سیریز میں 2-1 سے سبقت حاصل کرلی، میچ کا نتیجہ تیسرے ہی دن برآمد ہوگیا، فاسٹ وکٹ پر آسٹریلوی بیٹسمین انگلش سوئنگ بولرز کی گھومتی ہوئی گیندوں کے سامنے غش کھاکر گرپڑے۔انگلینڈ نے فتح کیلئے ملنے والا آسان ہدف 121رنز تیسرے دن چائے کے وقفے سے قبل 2 وکٹ پر 124رنز کی صورت پالیا، ون ڈاو¿ن پر ترقی پانے والے ای ین بیل نے 65 کی ناقابل شکست اننگز کھیلی، یہ میچ میں ان کی دوسری ففٹی رہی، مچل مارش کی گیند پر وننگ چوکا لگانے والے جوئے روٹ 38 پر ناٹ آو¿ٹ رہے، بیل اور ان کے درمیان تیسری وکٹ کیلئے 73رنز کی ناقابل شکست شراکت نے انگلینڈ کو منزل تک پہنچادیا۔انگلش کپتان الیسٹرکک (7 )کو مچل اسٹارک نے بولڈ کیا جبکہ دوسرے اوپنرایڈم لیتھ 12 رنز بنانے کے بعد جوش ہیزل ووڈ کی گیند پر ایل بی ڈبلیو ہوئے، بیل کو 20 کے انفرادی اسکور پرچانس ملا، مچل اسٹارک کی گیند پرکلارک نے کیچ گرادیا، اس سے قبل ا?سٹریلیا نے اپنی دوسری نامکمل اننگز کو 7 وکٹ 168رنز سے ا?گے بڑھایا، وکٹ پر موجود پیٹرنویل اور مچل اسٹارک نے مزاحمت جاری رکھتے ہوئے ا?ٹھویں وکٹ کیلیے64 رنزکی شراکت بناکر ٹیم کا مجموعہ 217 تک پہنچایا۔اس موقع پر پیٹرنویل 59رنز بنانے کے بعد فن کی گیند پر بٹلر کے ہاتھوں دبوچے گئے، یہ انگلش پیسر کا اننگز میں چھٹاشکار ثابت ہوا، مچل اسٹارک نے جوش ہیزل ووڈ کے ہمراہ نویں وکٹ کیلئے28رزن جوڑے، جس میں ہیزل ووڈ کا حصہ محض11رنز رہا، 265 کے اسکور پر مچل اسٹارک کی ہمت بھی جواب دے گئی ، انھوں نے 58رنز اپنے نام درج کیے، ناتھن لیون 12 پر ناٹ آو¿ٹ رہے، اسٹیون فن نے6 وکٹیں لیں