کراچی (نیوز ڈیسک) قومی کرکٹ ٹیم کے ہیڈ کوچ وقار یونس نے یونس خان پرپریشر ڈالنے کا الزام مسترد کیا ہے اور کہا ہے کہ ڈراپ کرنے کی بات کر کے سینئر بیٹسمین تھوڑی زیادتی کر گئے، ہمارا ایسا کوئی ارادہ نہ تھا، ون ڈے سکواڈ میں بھی اگر ان کی جگہ بنی تو موقع دیا جا سکتا ہے۔ یونس خان نے گذشتہ دنوںنجی ٹی وی سے دوران انٹرویو کوچ اور ٹیسٹ کپتان مصباح کو شدید تنقید کا نشانہ بنایا تھا اور کہا تھا کہ ان کے پر ٹیسٹ میں پرفارم کرنے کیلئے سخت دباﺅ تھا۔ اس بارے میں بات چیت کرتے ہوئے وقار یونس نے سینئر بیٹسمین کو سپورٹ نہ کرنے کا الزام مسترد کر دیا۔انھوں نے کہا کہ یونس خان لیجنڈ ہیں، انھوں نے ملک کے لیے بے تحاشا کارنامے انجام دیے، یہ بات درست نہیں کہ اگر وہ پالے کیلی ٹیسٹ میں177رنز نہ بناتے تو انھیں ڈراپ کر دیا جاتا‘ یہاں وہ تھوڑی زیادتی کر گئے، بطور کوچ انھیں ہمیشہ میری حمایت حاصل رہی ہے۔ ون ڈے اسکواڈ میں واپسی یونس خان کی بہت پرانی خواہش ہے، ورلڈکپ میں انھیں موقع بھی ملا لیکن ان کی پرفارمنس سب کے سامنے ہے۔ آئندہ بھی اگر سکواڈ میں جگہ بنی تو انھیں کھلایا جائے گا۔ وقار یونس نے ٹیم میں شامل ہونے والے نئے کھلاڑیوں کے بارے میں کہا کہ ان کی کارکردگی بھی بہت اچھی ہے۔ محمد رضوان، عماد وسیم، محمد حفیظ اور احمد شہزاد عمدہ کھیل پیش کر رہے ہیں۔ عماد وسیم نے سعید اجمل اور حفیظ کی کمی محسوس نہیں ہونے۔حفیظ بطور بیٹسمین خاصے مفید ثابت ہو رہے ہیں، انھوں نے بولنگ کے دباو¿ سے آزاد ہونے پر اپنی بیٹنگ پر زیادہ توجہ دی اور وہ ہماری ٹیم کا اہم حصہ ہیں۔ وقار نے یاسر شاہ کو میچ ونر قرار دیتے ہوئے کہا کہ حالیہ عرصے میں جتنے بھی کھلاڑی منظرعام پر آئے وہ ان سب میں بہترین ہیں، ان کی بولنگ میں دن بہ دن نکھار آ رہا ہے، ٹیسٹ کیساتھ انھوں نے ون ڈے میں بھی خود کو منوا لیا۔ سابق پیسر نے کہا کہ ابھی مجھے زمبابوے کا دورہ ملتوی ہونے کا علم نہیں، یہ بورڈ کا فیصلہ ہوگا، ہمارے لیے چیمپئنز ٹرافی میں شرکت بے حد اہمیت کی حامل ہے