کولمبو(نیوز ڈیسک)پاکستان اور سری لنکا کے درمیان سیریز کا چوتھا ایک روزہ میچ کل کولمبو میں کھیلا جائیگا۔پاکستان یہ میچ جیت کر نہ صرف سیریز جیت سکتا ہے بلکہ چیمئینز ٹرافی کیلئے جگہ بھی مستحکم کرلے گا۔پاکستان کرکٹ ٹیم ان دنوں بھر پور فارم ہے،بیٹنگ بھی خوب چل رہی ہے، بال بھی گھوم رہی ہے۔گرین شرٹ چوتھا میچ جیت کر ایک تیر سے 2 شکار کرسکتی ہے۔ون ڈے سیریز نام کرنے کے ساتھ چیمپئنز ٹرافی میں بھی جگہ کو مستحکم کرسکتا ہے۔ایسا سنہری موقع پھر نہیں ملے گا،سری لنکا کی ٹیم سیریز میں 2-1 سے خسارے میں جانے کے بعد کم بیک کرسکتی ہے۔چوتھا میچ کولمبو کے پریماداسا گراونڈ پر ہی ہوگا، جہاں تیسرے میچ میں ہلڑبازی ہوئی تھی اور میچ روک دیا گیا تھا،اسی لئے چوتھے میچ کیلئے سیکورٹی دگنی کردی گئی ہے۔کولمبو میں کل بارش کی پیشگوئی بھی کی گئی ہے۔