میڈرڈ (نیوز ڈیسک) پرتگالی فٹبالر کرسٹیانو رونالڈو آسٹریلوی حسینہ مارگوٹ روبی کی زلفوں کے اسیر دکھائی دیتے ہیں۔ اس خبرکا انکشاف اس وقت ہوا جب رونالڈو کے ایک انسٹا گرام فالوور نے ان کی ایک ایکٹویٹی کا سکرین شاٹ پوسٹ کیا جس کے مطابق رونالڈو نے ابھی ابھی روبی کی چار تصاویر کو لائیک کیا ہے۔ دلچسپ امر یہ ہے کہ روبی کی یہ تصاویر گزشتہ برس کی ہیں، جس کا مطلب یہ ہے کہ رونالڈو نے روبی کی پروفائل کو خوب فرصت سے کھنگالا ہے۔ 25سالہ خوبرو حسینہ آسٹریلیا کی اداکارہ ہیں اور وولف آف وال سٹریٹ سے انہوں نے شہرت پائی ہے تاہم امکان یہی ہے کہ اگر انہوں نے رونالڈو کی پیش قدمی کی حوصلہ افزائی کی تو ایسی صورت میں انہیں زیادہ شہرت مل جائے گی۔رونالڈو کی اس ایکٹیوٹی کو اس لئے بھی خوب شہرت ملی ہے کیونکہ وہ خود صرف37افراد کو انسٹاگرام پر فالو کرتے ہیں۔ تیس سالہ فٹبالر نے حال ہی میں اپنے سنگل ہونے کا اعلان بھی کیا تھا جس کی وجہ سے امکان ظاہر کیا جارہا ہے کہ رونالڈو ان دنوں پارٹنر کی تلاش میں ہیں اور روبی میں دلچسپی لے رہے ہیں۔ روبی کا جواب کیا ہوگا یہ تو وقت ہی بتائے گا تاہم فی الحال اس نئی جوڑی کے بننے کا خواب دیکھنے والوں کیلئے اطلاع ہے کہ روبی گزشتہ ایک برس سے اسسٹنٹ ڈائریکٹر ٹام ایکرلے کے ہمراہ دکھائی دیتی ہیں اور ان دونوں کو گزشتہ ماہ میچنگ کے ویڈنگ بینڈز بھی پہنے دیکھا گیا ہے جس کی وجہ سے امکان ہے کہ یہ جوڑا شادی بھی کرچکا ہے۔