اسلام آباد(نیوز ڈیسک)آئی سی سی نے نئی ون ڈے رینکنگ جاری کردی ہے جس کے مطابق پاکستان سری لنکا سے دوسرے ایک روزہ میچ میں شکست کے بعد نویں نمبر پر آگیا ہے۔آئی سی سی کی نئی ون ڈے رینکنگ کے مطابق آسٹریلیا پہلے، بھارت دوسرے جب کہ نیوزی لینڈ تیسرے نمبر پر ہے۔ جنوبی افریقا کو شکست دے کر بنگلا دیش ساتویں پوزیشن پر موجود ہے جب کہ سری لنکا سے دوسرے ون ڈے میں شکست کے بعد پاکستان ایک درجے تنزلی کے بعد آٹھویں سے نویں پوزیشن پر آ گیا ہے۔بلے بازوں میں جنوبی افریقا کے اے بی ڈویلیئرز پہلے، سری لنکا کے کمارا سنگا کارا دوسرے اور جنوبی افریقا ہی کے ہاشم آملہ تیسرے نمبر پر ہیں۔
مزیدپڑھیے :ماڈل ایان علی کی ضمانت پر رہائی کا پروانہ جیل حکام کو موصول
بولرز کی رینکنگ میں آسٹریلیا کے مچل اسٹارک پہلے، نیوزی لینڈ کے ٹرینٹ بولٹ دوسرے اور ویسٹ انڈیز کے سنیل نارائن تیسرے نمبر پر ہیں جب کہ پاکستان کے سعید اجمل ایک درجے تنزلی کے بعد آٹھویں پوزیشن پر آ گئے ہیں۔ پاکستان کے محمد حفیظ آل راو¿نڈرز کی رینکنگ میں ایک درجے ترقی کے بعد چوتھے نمبر پر آ گئے ہیں۔