سان تیاگو(نیوز ڈیسک)کوپا امریکہ فٹ بال کپ کے تیسرے سیمی فائنل کا فیصلہ بدھ کو ہوگا۔ ایونٹ کا تیسرا سیمی فائنل میچ بدھ کو ارجنٹائن اور پیرا گوئے کی ٹیموں کے درمیان کھیلا جائیگا۔ اس سے قبل کوارٹر فائنل میں ارجنٹائن نے کولمبیا کی ٹیم کو شکست دیکر سیمی فائنل کے لیے کوالیفائی کیا تھا جبکہ پیراگوئے کی ٹیم نے برازیل کی ٹیم کو اپ سیٹ شکست دیکر ٹورنامنٹ کے سیمی فائنل کے لیے کوالیفائی کرلیا۔ واضح رہے کہ ٹورنامنٹ میں تیسری پوزیشن کے لیے میچ اور فائنل میچ 4 جولائی کو کھیلا جائیگا۔