مانچسٹر(نیوز ڈیسک)انگلینڈ اور نیوزی لینڈ کے درمیان جاری مکمل سیریز کا واحد ٹی20 میچ میں انگلینڈ نے نیوزی لینڈ کو 56رنز سے شکست دے کر ٹی20 اپنے نام کرلیا ہے۔ میچ اولڈ ٹریفرڈ کرکٹ گراﺅنڈ مانچسٹر میں کھیلا گیا، جہاں انگلش ٹیم نے ٹاس جیت کر پہلے بیٹنگ کا فیصلہ کیا اور مقررہ 20اوورز میں 7وکٹوں پر 191رنز اسکور کیے، ٹیم کی جانب سے جو روٹ نے 68رنز اسکور کیے۔ کیویز ٹیم کی جانب سے مچل سینٹنر اور مچل مکیلاگن نے 2،2 وکٹیں حاصل کیں۔ کیوی ٹیم 192رنز کے ہدف کے تعاقب میں بری طرح ناکام ہوئی 2.16اوور میں 135رنز کے اسکور پر ا?ﺅٹ ہوگئی، ٹیم کی جانب سے کین ولیمسن کے57 اور برینڈن مکولم کے برق رفتار 35رنز بھی کیویز کو شکست سے نہ بچا سکے، جبکہ انگلش ٹیم کی جانب سے ڈیوڈ ولی اور مارک وڈ نے 3،3وکٹیں حاصل کیں۔ آج کے میچ کے ساتھ ہی دونوں ٹیموں کے درمیان سیریز مکمل ہوگئی ہے، سیریز کا مجموعہ کچھ یوں ہے کہ دونوں ٹیموں کے درمیان ٹیسٹ سیریز برابر رہی، جبکہ ون ڈے سیریز اور ٹی20 میں انگلینڈ کامیاب رہی۔ اب انگلش ٹیم کا اگلا ہدف ایشز سیریز ہے، جس کو کھیلنے کے لیے کینگروز ٹیم انگلینڈ کی سر زمین پر قدم رکھ چکی ہے اور دونوں ٹیموں کے درمیان سیریز کا پہلا ٹیسٹ 8جولائی سے کارڈف میں کھیلا جائے گا۔