گال(نیوز ڈیسک)قومی ٹیسٹ کرکٹ ٹیم کے کپتان مصباح الحق نے سری لنکا کے خلاف شاندار کامیابی پر خوشی کا اظہار کرتے ہوئے کہا ہے کہ جیت سے کھلاڑیوں کے حوصلے بلند ہوئے ہیں ¾اگلے میچ بھی جیتنے کی کوشش کرینگے ۔میڈیا سے گفتگو کرتے ہوئے مصباح الحق نے کہاکہ سیریز میں 1-0 کی برتری سے باقی میچز کیلئے حوصلے مزید بلند ہوگئے ہیںانھوں نے کہا کہ ہمارے ذہن میں یہ بات بالکل واضح تھی کہ اگر ہمیں یہ ٹیسٹ جیتنا ہے تو پھر سری لنکن ٹیم کو پہلی اننگز میں کم اسکور پر ڈھیر کرنا ہوگا، جواب میں ہماری بیٹنگ بھی لڑکھڑائی مگر اسد شفیق اور سرفراز احمد کی وجہ سے فائٹ بیک کیایہ ہمارے لیے بہت بڑی فتح ہے خاص طور پر گال میں کامیابی کا اپنا ہی مزہ ہے، سیریز میں 1-0 کی برتری سے حوصلے بلند ہوچکے ہیں، ہم نے رنگانا ہیراتھ کو کھیلنے کی بھرپور پریکٹس کی جس کا کافی فائدہ ہوا، اس کامیابی میں یاسر شاہ نے اہم کردار ادا کیا۔ہم ٹاس کے وقت سے ہی کافی مثبت تھے اور مجھے یہ یقین تھا کہ ساڑھے تین دن میسر ہونے کے باوجود ہم اس میں کامیابی حاصل کرسکتے ہیں۔