چلی (نیوز ڈیسک) چلی میں کھیلے گئے کوپا امریکہ فٹبال ٹورنامنٹ میں ارجنٹائن نےحریف ٹیم یوراگوئے کو ایک صفر سے شکست دے دی۔ کوپا امریکہ فٹبال ٹورنامنٹ میں گروپ بی کی ٹیمیں ارجنٹائن اور یوراگوئے کے درمیان میچ ہوا۔ لائنل میسی جیسے نامور پلیئرز سے سجی ارجنٹائن کی ٹیم کو حریف ٹیم کی جانب سے خوب ٹف ٹائم ملا ، دونوں ٹیموں کے درمیان میچ پچپن منٹ تک بغیر کسی کے گول برابر رہا لیکن کھیل کے چھپنویں منٹ میں ارجنٹائن کے سٹار پلیئر سرجیو اگیورو نے شاندار ہیڈر کے ذریعے بال کو حریف ٹیم کی گول پوسٹ میں پھینک کر اپنی ٹیم کو ایک صفر سے کامیاب کروا دیا ، اس جیت کے بعد فاتح ٹیم گروپ بی کے پوائنٹس ٹیبل پر پہلی پوزیشن حاصل کرنے میں کامیاب ہو گئی ہے۔