کراچی(نیوز ڈیسک )پی سی بی کے چیئرمین شہریار خان نے ایگز یکٹو کمیٹی کے سربراہ نجم سیٹھی سے اختلافات کی تردید کردی ہے۔ ان کا کہنا ہے کہ دونوں اپنی حدود میں رہ کر کام کر رہے ہیں۔ ایگزیکٹو کمیٹی انہیں سفارش ضرور کرتی ہے لیکن اس بات کا انحصار ان پر ہے کہ وہ مشورے مانیں یا انہیں مسترد کر دیں۔ ان کا مزید کہنا تھا کہ چیئرمین پی سی بی کو آئین میں دئیے گئے اختیارات کی وجہ سے وہ اپنے فیصلے آزاد انہ کرتے ہیں اور ان پر کسی کا کوئی دباو¿ نہیں ہے۔ انہوں نے بتایا کہ ان کے اور نجم سیٹھی کے درمیان کسی مرحلے پرکوئی اختلافات نہیں ہیں۔ واضح رہے کہ یہ خبریں گردش کر رہی تھیں کہ آئی سی سی کی صدارت سے دستبردار ہو کر ظہیر عباس کو نامز دکرنے کے بعدنجم سیٹھی پی سی بی میں کل وقتی کام کریں گے۔