لاہور (نیوز ڈیسک) قومی کرکٹ ٹیم نے زمبابوے کیخلاف ون ڈے سیریز کے افتتاحی میچ میں ٹاس جیت کے پہلے بیٹنگ کا فیصلہ کیا ہے۔ ٹاس جیتنے کے بعد کپتان اظہر علی نے کہا ہے کہ ٹیم میں آل راو¿نڈر کے طور پر حماد اعظم، شعیب ملک کو شامل کیا ہے۔ حماد اعظم کو ٹی ٹوینٹی سکواڈ میں بھی شامل کیا گیا تھا تاہم انہیں میدان میں جوہر دکھانے کا موقع نہ مل سکا تھا۔ امید ہے کہ آج ان کی آل راﺅنڈ پرفارمنس ٹیم کیلئے معاون ثابت ہوگی۔ ہوم گراو¿نڈ پر کھیلنا بے حد جذباتی لمحہ ہے۔ وکٹ بیٹنگ کیلئے سازگار ہے، اس کے علاوہ دن میں میچ شروع ہونے کے سبب تیز دھوپ میں فیلڈرز کیلئے مشکلات ہوسکتی تھیں، ایسے میں بیٹنگ کا فیصلہ مثبت ثابت ہوسکتا ہے۔