کولکتہ (نیوز ڈیسک)آئی پی ایل فائنل میں ممبئی انڈینز نے چنائی سپر کنگز کو 41رنز کے بڑے مارجن سے شکست دے کے ایک بار پھر ٹائٹل اپنے نام کرلیا ہے۔ ممبئی انڈینز نے پہلے کھیلتے ہوئے 202 رنز بنائے تاہم جوابی اننگز میں دھونی الیون بالکل بے بس دکھائی دی اور بمشکل آٹھ وکٹوں کے نقصان پر161رنز بنا سکی۔ ٹیم میں شامل ڈیوائن سمتھ ہی سب سے نمایاں بلے باز رہے تاہم ان 48گیندوں پر57رنز ٹیم کی ڈولتی کشتی کو پار نہ لگا سکے۔آخر میں موہت شرما نے سات گیندوں پر 21رنز بنائے لیکن تب تک بہت دیر ہوچکی تھی۔ اس سے قبل ممبئی انڈینز کی ٹیم میں شامل لینڈ سائمنز نے68جبکہ روہت شرما نے26گیندوں پر50رنز کی شاندار اننگز کھیلی تھیں۔ اس سے قبل ممبئی انڈینز نے2013 میں آئی پی ایل کا تاج اپنے سر پر سجایا تھا۔