لاہور(نیوزڈیسک)چلچلاتی دھوپ اور شدید گرمی بھی کرکٹ شائقین کے جذبوں کو پگھلا نہ سکی اور خواتین ،بچے ،بوڑھے اور جوان میچ کے آغاز سے کئی گھنٹے قبل اسٹیڈیم پہنچ گئے ، شائقین کرکٹ پرجوش انداز میں پرچم لہراتے ہوئے پاکستان زندہ باد کے نعرے لگاتے رہے ۔ تفصیلات کے مطابق پاکستان اور زمبابوے کے درمیان پہلے ٹی ٹونٹی کی طرح دوسرے میچ میں بھی کرکٹ شائقین کا جذبہ دیدنی تھا ۔ صوبائی دارالحکومت میں شدید گرمی کے باوجود خواتین ، بچے ، بوڑھے اور جوان چلچلاتی دھوپ اور شدید گرمی کے میچ کے آغاز سے گھنٹوں قبل اسٹیڈیم پہنچ گئے اور پرچم لہراتے ہوئے پاکستان زندہ باد کے نعرے لگاتے رہے۔ اس دوران بچے اور خواتین اپنے چہروں پر قومی پرچم پینٹ کراتے رہے ۔