میرپور(نیوز ڈیسک) میرپور ٹیسٹ کے دوسرے روز پاکستانی کپتان مصباح الحق تو اگرچہ صرف 9 رنز ہی بنا کر آو¿ٹ ہو گئے لیکن اظہر علی اور اسد شفیق کی شاندار بیٹنگ جاری ہے۔ اظہر علی نے کیریئر کی پہلی ڈبل سنچری مکمل کی ہے تو اسد شفیق بھی سنچری کے قریب پہنچ چکے ہیں۔
میچ کے دوسرے روز پاکستانی ٹیم نے بیٹنگ کا آغاز کیا تو اس نے 3 وکٹوں پر 323 رنز بنا رکھے تھے جبکہ مصباح الحق اور اظہر علی وکٹ پر موجود تھے۔ مصباح الحق پہلے ہی اوور میں شکیب الحسن کا شکار بن گئے۔ ان کے بعد اظہر علی اور اسد شفیق نے رنز کو آگے بڑھانا شروع کیا۔ میرپور کی بیٹنگ وکٹ پر دونوں بلے بازوں کو بیٹنگ کرنے میں کسی مشکل کا سامنا نہ کرنا پڑا۔ اظہر علی نے شاندار بیٹنگ کی اور اپنی پہلی ڈبل سنچری406 گیندوں پر مکمل کی۔ انہوں نے چوکا لگا کر 200رنز پورے کئے۔

مزید پڑھئے:اللہ کے دوست ‘ آپ بیتی

پاکستان نے 4وکٹوں پر 496 رنز بھی بنا لئے ہیں۔